Gimando ni Dumanjug Mayor Gungun Gica ang pagdili sa mga cellphone sa mga eskwelahan ug ang mandatory nga inspeksyon sa mga estudyante sugod karong adlawa, Hunyo 25, ug matod ni Atty. Arvin Odron, ang Regional Director sa Commission on Human Rights-7 (CHR-7), aduna nay mga tunghaan, ilabi na mga pribado, nipatuman sa susamang lakang kaniadto pa.
Ang maong pagmando ni Mayor Gica nitumaw human sa madugoong pagpamusil sa eskwelahan nga nakapatay sa tulo ka estudyante sa Tacloban City.
Samtang dugang ni Atty. Odron atol sa eksklusibong pakighinabi sa Bombo Radyo Cebu kaniya nga sa pribadong tunghaan, hugot ug strikto ang pagpatuman sa mga naasoyng lakang, ug kung ikompara niya kini sa mga pampublikong tunghaan o bisan sa mga public premises, giila kini sa korte suprema nga “Infringement of privacy.”
Busa, alang kaniya, “siguro,” naniguro lang si Mayor Gica nga dili mahitabo sa iyahang munisipalidad ang nahitabo sa Tacloban.
Apan, sa pagtino ni Atty. Odron, kung hisgutan na ang matang full inspection ug banning of cellphone within the school premises, matod niya, nakaapekto na kini sa tawhanong katungod.
Matod niya, daghang aspeto ang maapektohan niini nga lagda sa tawhanong katungod, apan dili siya maka-ingun nga violation of the human rights standard na kini gumikan kay wala pamay imbestigasyon.
Tungod kay matod niya, ang CHR mo-conclude lang nga adunay kalapasa, human na sa imbestigasyon.
Hinuon, wala gisalikway ni Atty. Odron ang mga posibilidad sa potensyal nga adunay isyu nga malambigit sa Human Rights, ug usa na nga maapektohan mao ang ‘Right to Education,” ug “Right to Privacy.”
