CEBU CITY-Gitinguha karon sa kagamhanang dakbayan sa Sugbo ang pagpatuman niini sa rightsizing program sa tanan mga empleyado niini isip pagwagtang sa kapin 10 ka mga duplicated ug attached offices sa ahensya.
Kini ang gipamahayag ni Henry Tomalabcad, ang pangu sa Cebu City Human Resource and Development Office (HRDO) diin ang maong programa kay nagtumong sa pagpakunhod sa gidaghanon sa empleyado sa kagamhanang dakbayan ngadto sa 3,000 ka indibidwal.
Nunot kini sa usa ka dakong regularization-step para sa mga empleyado sa City Hall aron mapun-an na ang mga bakanteng mga plantilla positions.
Sukad pa sa nakalabayng administrasyon ni Dismissed Cebu City Mayor Michael Rama ang maong programa nga padayong gisugyot sa Incumbent Office ni Mayor Raymond Alvin Garcia.
Dugang ni Tomalabcad nga ang ilang tumong niini kay ang inusang opisina sa mga nagdoble ang function sama nalang sa Cultural and Historical Sector sa City Cultural and Historical Affairs Commission sa Cultural and Historical Affairs Office, Fort San Pedro, Visayan Film, Public Library, ug uban pa.
Gipanglantawan usab sa kagamhanang dakbayan ang panghiniusa sa tanang environment-related offices sama sa Cebu City Environment and Natural Resources Office, Cebu Environmental Sanitation and Enforcement Team, Coastal Management Board, Eco Parks, Parks and Playgrounds ug ang Task Force Gubat sa Baha.
Nagkanayon si Tomalabcad nga tinunga nila nga masiguro nga gamay ra ang mga empleyado nga maapektohan niining righsizing program.
