Giila sa Department of Foreign Affairs ang walay kahadlok nga liderato sa Philippine Navy ug Philippine Coast Guard sa pagpahigayon sa rotation and reprovisioning o RORE mission sa BRP Sierra Madre sa Ayungin Shoal.
Diin walay nahitabong insidente atol sa pagpatuman sa maong misyon sa kadagatan.
Matod sa DFA, nga dili madiskwento ang propesyonalismo nga gipakita sa mga personahe sa Philippine Navy ug Philippine Coast Guard.
Ang misyon kabahin sa naugmad nga kasabutan tali sa Pilipinas ug China.
Tumong niini nga malikayan ang dili pagsinabtanay tali sa duha ka nasud samtang gihingusgan pa ang interes sa Pilipinas sa gikaaway nga kadagatan.
Dugang pa sa DFA nga ang kalampusan sa misyon nagpakita lamang sa epektibo nga pagpatuman sa diplomasya sa West Philippine Sea imbes sa kagubot.
