Russia, nabombahan pagbalik ang kaugalingong teritoryo niini duol sa utlanan sa Ukraine

Gikatahong wala tuyoa nga nabombahan pagbalik sa Russia ang kaugalingong lugar niini nga anaa duol sa utlanan sa Ukraine samtang naglunsad og mga strikes sa siyudad sa Kharkiv.

Matud sa taho nga usa ka Russian aircraft nga nagpahigayon og glide-bomb nga mga pag-atake sa amihanan-sidlakang lungsod sa Kharkiv sa Ukraine apan, nasayup kini og pagpalusad ug mitugpa sa Belgorod.

Diin kini nga siyudad nakasinati og dakong spillover gikan sa nagpadayon nga panagbangi.

Giasoy sa gobernador sa rehiyon sa Belgorod nga si Vyacheslav Gladkov nga lima ka mga tawo ang nasamdan sa maong sayop nga pa-release sa bomba, ingon man nga wala’y natala nga namatay apan, anaa sa mga 30 ka mga panimalay ang naguba ug 10 ka mga sakyanan.