Gidakop sa mga awtoridad ang Russian-American vlogger nga si Vitaly Zdorovetskiy tungod sa iyang gihimo nga pag-insulto sa pipila ka mga Filipino sa Bonifacio Global City.
Sumala sa Bureau of Immigration (BI), ang 33-anyos nga si Zdorovetskiy giisip na karon nga undesirable foreign national.
Ang pagkasikop sa akusado nga langyaw nahitabo human sa sunodsunod nga reklamo sa mga security guard ug ingon man empleyado sa mga malls sa Taguig City buntag sa Marso 31, 2025.
Kauban sa BI, ang Makati City PNP ug mga personahe sa Criminal Investigation and Detection Group (CIDG) maoy mihimo sa pagdakop.
Ang langyaw anaa na karon sa kustodiya sa Immigration facility sa Camp Bagong Diwa sa Bicutan, Taguig samtang nagpaabot sa pagproseso sa iyang deportasyon.
Kahinumduman sa video sa langyaw nga giduwa pa niini ang kalo sa guwardiya sa mall ug gisuwayan pag-ilog sa armas.
Gisuwayan pa niya pagkuha ang industriyal nga fan sa restawran ug gidala sa hotel nga iyang gipuy-an.
Nagsugod na usab ang usa ka petisyon sa Change.Org nga i-ban si Zdorovetsky sa tanang social media tungod sa cyberbullying sa Pilipinas.
