Suportado sa Department of Labor and Employment Central Visayas ang gipahigayon nga ‘silent picket’ sa mga BPO Industry Employees Network (BIEN)-Cebu.
Diin langkuban sa meeting ang usa sa mga BPO company, workers ug sa DOLE.
Kini tungod sa nagpadayon nga “temporary layoff” nga nahitabo sa usa ka kompanya diin ang mga trabahante gilauman nga ibutang sa unpaid floating status sa Disyembre 15.
Matud ni Roberto “Bob” M. Cabardo, ang Regional Labor Information Officer III sa DOLE 7 nga giabi-abi ang maong lakang sa Regional Director sa ilang buhatan gumikan katungod nila ang pagpadayag sa ilang panahom.
Samtang, lakip ang mga sakop sa BPO Industry Employees Network (BIEN)-Cebu sa mga pundok nga mibanos sa kadalanan gahapong adlawa sa buntag atol sa gipahigayong anti-corruption rally sa Dakbayan sa Sugbo.
Ang pag-apil sa BIEN-Cebu, nagpasiugda sa ilang baruganan nga ang korapsyon sa gobyerno adunay direktang epekto sa kahimtang sa mga mamumuo ug sa pagpatuman sa mga balaod sa pamuo.
Gawas sa pagbatok sa korapsyon, ang grupo nanawagan usab alang sa mas hugot nga proteksyon sa katungod ug kaayohan sa mga mamumuo, ilabi na sa BPO sector nga usa sa dako nga tinubdan sa trabaho sa Sugbo. via Bombo Rocky Lavarez
