Gipasidunggan sa Armed Forces of the Philippines ang personahe sa Philippine Navy nga nakaangkon og grabeng kadaot atol sa resupply mission sa Ayungin shoal niadtong Lunes, Hunyo 17 human gihasi sa mga pwersa sa China.
Ang Seaman First Class nga si Jeffrey Facundo gihatagan og “wounded personnel medal” gikan sa hepe sa AFP nga si Romeo Brawner Jr. kinsa personal nga mibisita sa bedridden nga personnel sa Navy.
Gidasig ni Brawner ang nasamdan nga opisyal ug magpaayo, ingon man nga dili mawad-an og paglaom ug mipasalig usab nga andam silang mohatag sa ilang gikinahanglan.
Gipasalamatan ni Facundo ang AFP sa paghatag kaniya sa medalya apan nagdumili siya pagtubag sa pangutana sa mga kawani sa media bahin sa samad nga iyang nahiaguman diin naputol ang iyang tudlo ug kung unsa ang nahitabo sa ilang misyon sa pag-resupply tungod kay wala siya awtorisado nga musulti bahin sa panghitabo.
