-- ADVERTISEMENT --
Mipasidaan sa publiko ang Securities and Exchange Commission nga magbinantayon batok sa mga tawo ug grupo nga nagtanyag og tabang alang sa mga scam victims pinaagi sa nagkalain-laing online platforms.
Ang mg tanyag gikan pinaagi sa pagpangilad sama sa pagpanagyu ug donasyon, personal information, ug paggamit sa mga nagkadaiyang ahensiya sa gobyerno ug uban pang paagi sa pagpangilad.
Matud sa SEC nga ang mga nagkadaiyang social media accounts dili awturisado sa Commission ug walay legal nga katungod sa pagrecover niini.
Gihimug-atan sa buhatan nga likayan ang susamang mga transaksiyon ug kung ugaling mabiktima mamahimong mopadangat ug reklamo sa utoridad alang sa hinanaling aksiyon.
