-- ADVERTISEMENT --
CEBU CITY – Missurender sa Tuburan Police station ang suspek sa pagpatay sa 14 anyos nga dalagita kinsang napalgan nalang sa sulod sa septic tank sa Cogon Integrated School sa dakbayan sa Danao.
Gikumpirmar ni Police Colonel Ismael Gauna, ang hepe sa Tuburan Police station nga ganihang kaadlawon missurender si Jessie Medequilo sa tabang na usab sa opisyal sa barangay sa lungsud sa Tuburan. Si Medequillo ang giisip nga suspek sa kapulisan sa pagpatay kang Thesa Marie Ygay.
Nasayran nga niadtong Lunes lamang napalgan ang patayng lawas ni Ygay diin napuno kini og samad dinuggaban sa ulo ug liog ingon man sa iyang bukton.
Nakatakda kini siya nga e presentar sa PRO7 headquarters karong adlawa
