Gibarugan ni kanhi Philippine National Police Chief ug Senador Ronald Dela Rosa nga dili gayud siya modawat og kuwarta nga gikan sa ilegal nga paagi.
Gihimo sa opisyal ang pamahayag human gipangutana bahin sa iyang reaksyon sa giluwatang pamahayag sa opisyal sa Pagcor nga si Gen. Raul Villanueva uban sa kanhi PNP Chief nga ubos sa suborno sa Philippine Offshore Gaming Operator (POGO).
Ang maong opisyal nitabang usab sa pag-ikyas sa grupo ni Alice Guo, ang gitaktak nga mayor sa Bamban, Tarlac.
Matod ni Dela Rosa, bisan pa og usa ka trak nga kuwarta ang ihatag kaniya, dili niya kini dawaton kung nasayod siya nga gikan kini sa krimen o aduna’y laing kondisyon.
Kalabot niini, daw nisermon usab ang kanhi PNP Chief tungod kay gipagawas na ang maong impormasyon bisan og wala pa kini moagi sa validation ug hisgutan pa kini sa intelligence community.
Dugang ni Dela Rosa nga makaluluoy ang ubang mga PNP Chief nga apektado sa maong mga alegasyon.
