Gipaambit ni Sherwin Gatchalian, ang Chairman sa Senate Committee on Finance, nga wala siyay nadawat nga impormasyon nga ang Senado nagplano nga laslasan ang pondo nga gigahin alang sa sektor sa edukasyon aron pondohan ang ubang mga programa o proyekto.
Sumala ni Gatchalian, basi sa iyang kasayuran, gusto sa tanan nga dugangan ang budget sa edukasyon.
Dugang pa niini nga nag-amping usab sila nga dili madugangan ang pondo gumikan possible kini nga magamit sa dili hustong paagi.
Apan kung adunay pagsulay sa pagpakunhod niini, gipasalig sa Senate Finance Chief nga iyang barugan ang budget sa edukasyon sa Senado, hilabi na kay ang edukasyon usa sa iyang pangunang adbokasiya.
Bisan tuod ang BICAM usa ka collegial body, gipasalig niya nga personal niya nga depensahan ang maong hisgutanan sa labing maayo niyang mahimo.
