Sen. Imee Marcos, emosyonal nga nangayo og pasaylo sa iyang amahan tungod sa giingong wala niya pag-atiman sa iyang igsoon nga si PBBM

Nahimong emosyonal si Senador Imee Marcos human kini nangayo og pasaylo sa ilang amahan, nga si kanhi Presidente Ferdinand Marcos Sr., tungod sa giingong kapakyasan sa pag-atiman sa iyang igsoon, nga si Presidente Ferdinand Marcos Jr.

Ning Semana Santa, gibalik-lantaw sa senador ang paagi sa pagkinabuhi sa ilang amahan sa iyang pagtuo, nga gipasiugda ang mga leksyon nga iyang gitudlo kanila.

Sa iyang gipagawas nga video message, gipaambit sa senador nga balik-balik nga gipahinumdoman sila sa ilang amahan nga kinahanglan silang mag-amping isip managsoon.

Apan giangkon niini nga napakyas siya sa pagbuhat sa maong habilin.