Nanawagan si Agriculture Secretary Francisco Tiu Laurel Jr. sa mga Senador nga suportahan ang proposed budget nga P216.1-bilyones para sa Department of Agriculture (DA) para sa tuig 2026.
Matod pa ni Tiu Laurel, kining gisugyot nga budget, nga mas taas sa miaging P176.7-bilyones kay nagpakita sa dugay na ug dinalian nga panginahanglan alang sa usa ka sektor nga nagpakaon sa tibuok nasud.
Dugang pa nga gipasiugda sa kalihim nga ang nangaging mga tuig sa limitado nga pondo alang sa agrikultura adunay negatibo nga epekto, ug nagpadayon sa pagdaot sa hinungdanon nga papel nga gidala sa agrikultura sa mas lapad nga ekonomiya sa Pilipinas.
Bisan pa sa kamatuoran nga ang agrikultura giisip nga backbone sa atong ekonomiya, gikasubo nga minilyon nga mga tawo nga nagtrabaho sa maong sektor nga nagpabilin og labing huyang sa natad sa pinansyal sa tibuok nasud.
Alang sa tuig 2026, ang mga nag-unang prayoridad sa DA nagtutok sa modernisasyon sa agrikultura aron madugangan ang produksiyon ug episyente kini, pagdugang sa kita sa mga mag-uuma ug mananagat aron mapauswag ang ilang panginabuhi ug kalidad sa kinabuhi.
Ang mga prayoridad naglakip usab sa pagtukod og kalig-on sa sektor sa agrikultura pinaagi sa pagpalambo sa imprastraktura, pag-implementar sa climate-smart nga mga teknolohiya aron matubag ang mga epekto sa pagbag-o sa klima, ug pagpausbaw sa pagkaandam sa kalamidad aron makunhuran ang kadaot nga gipahinabo sa mga kalamidad.
