Nagsang-at og pormal na reklamo batok kang Dela Rosa sa Senate Committee on Ethics and Privileges ang grupong kontra-korapsyon nga “Wag Kang KuCorrupt,” tungod sa giingong pagkawala sa iyang opisyal nga mga katungdanan sulod sa kapin sa tulo ka bulan.
Sa ilang reklamo, ang grupo mipahayag nga ang dugay nga pagkawala sa usa ka naglingkod nga senador mahimong isipon nga usa ka “dereliction of duty” ug usa ka pag-abuso sa pagsalig nga gihatag kaniya sa publiko.
Sumala sa reklamo, dili madawat alang sa usa ka opisyal sa gobyerno nga magpadayon sa pagdawat og kompensasyon samtang wala matuman ang iyang mandato.
Mahimo usab kini nga usa ka paglapas sa katungdanan sa pagserbisyo nga matinud-anon ug husto.
Mahinumduman nga si Dela Rosa wala na makita sa publiko sukad Nobyembre 2025, human sa mga taho nga may kalabotan sa imbestigasyon sa International Criminal Court (ICC) sa kaso sa mga krimen batok sa katawhan nga may kalabotan sa kampanya batok sa droga sa administrasyong Duterte.
