Giablihan na sa Civil Service Commission (CSC) ang mga pultahan sa Gobyerno sa mga gradwado sa senior high school, human gipaubos niini ang kinahanglanon sa edukasyon alang sa mga posisyon sa una nga lebel sama sa mga trabaho sa clerical, custodial, trade, ug craft.
Pinaagi sa CSC Resolution No. 2500229 nga gipasar niadtong Marso 6, ang mga Graduate sa Grade 10 o Grade 12 mamahimo ng makasulod sa mga sub-professional nga trabaho sa gobyerno, uban sa pagpahaom sa mga sumbanan sa K to 12 curriculum sa nasud.
Ingon man nga ang bag-ong palisiya kay wala maglakip sa mga posisyon nga nagkinahanglan og piho nga degree o propesyonal nga lisensya.
Ana ang bag-ong mga kwalipikasyon:
- Kanhi diploma sa high school, dawaton gihapon.
- Grade 10 finishers (gikan sa 2016 pataas), kwalipikado usab.
- Grade 12 graduates sa TVL track o Grade 10 + TESDA NC II – gidawat alang sa mga posisyon nga nanginahanglan og vocational training o 2 ka tuig sa kolehiyo.
Ingon man nga giklaro sa CSC nga dili igo ang edukasyon lamang gumikan kinahanglan usab nga makapasar sa ubang mga kinahanglanon sama sa training, work experience ug civil service eligibility.
Matod niya ang final decision kay anaa gihapon sa hiring agency.
Ang bag-ong polisiya mahimong epektibo 15 ka adlaw human kini mamantala sa Official Gazette o mga mantalaan.
