Gisugyot ni Senate President Pro Tempore Jinggoy Estrada nga tangtangon ang mandatory Senior High School (SHS) level sa K to 12 program.
Kini aron mahimong mas makahuluganon ang batakang sistema sa edukasyon sa nasud.
Sa iyang gisang-at nga Senate Bill No. 3001, si Estrada nikutlo sa pag-angkon sa mga opisyal sa Department of Education (DepEd) nga ang SHS program wala pa makab-ot ang tumong niini alang sa K to 12 graduates tungod sa hilabihang curriculum, sobra nga trabaho sa mga magtutudlo ug mga tinun-an, ug ubos nga trabaho sa mga gradwado sa SHS kay 10% na lang ang mosulod ug ang uban pa niini kay informal sector.
Gawas sa naasoy nga rason, nakita usab niya ang padayon nga pagkunhod sa pagsalig sa publiko sa programa sa SHS – gikan sa 41% kaniadtong 2023, paubos sa 35% kaniadtong 2024, ug paubos pa sa 33% karong tuiga.
Sa gisugyot nga pagwagtang sa SHS, si Estrada miingon nga ang batakang prinsipyo sa RA 10533 kay magpabilin.
Gitataw usab a senador nga ang iyang gisugyot nga amendment nagtumong sa paghimo sa high school nga sistema nga mas simple ug mas streamlined samtang sa gihapon nagsiguro sa kalidad sa edukasyon nga nakab-ot sa internasyonal nga mga sumbanan.
Ubos sa rationalized basic education program, si Estrada misugyot og usa ka tuig nga edukasyon sa kindergarten, unom ka tuig sa elementarya, ug upat ka tuig sa sekondarya.
