Mipaluwat og pagklaro ang simbahan sa St Andrew Parish sa Amlan, Negros Oriental kabahin sa mi-viral online sa usa ka seremonyas sa kasalan niadtong Hunyo 8 kun diin gipangasabaan sa usa ka pari ang magtiayon mahitungod sa wala pagsubay sa saktong oras sa seremonyas sa naasoy nga simbahan.
Sa pamahayag ni Msgr. Albert Erasmo G. Bohol, kinsa pari sa maong parokya, nangayo kini og pagpasaylo kabahin sa maong panghitabo og ingon man gi-klaro tinuod nga subay sa gi-schedule nga kasalan.
Gi-schedule ang maong kasalan usa ka buwan pa ang milabay.
Subay niini nga alas 8 sa buntag gikatakda ang maong kasalan sa manatiayon apan mahitungod sa usa ka impormasyon sa usa ka sponsor nga giingong sa maong kasal nga gisibog ang oras sa alas 9:30 sa maong adlawa og mao ang nahimong ugat sa paglangan sa seremonyas nga gipahigayon.
Tungod man sa impormasyon ng nadawat, nakahatag kini ug sayup nga pagtuo nga dili angay magdali ang kaslunon ug ilahang mga bisita sa pagtungha sa simbahan sa pagpahigayon sa paghigot sa gugma sa duha.
Gipatin-aw sa maong simbahan nga wala gayud nila giilis ang schedule tungod man kay adunay misa sa minatay ang musunod niini og lain pang naka schedule.
Ingon man samang pamahayag, wala naggikan sa simbahan og dili opisyal ang giingong gipasa nga impormasyon sa maong sponsor sa kaslanon hinungdan sa pagkadaut sa pagpahigayon sa seremonyas sa saktong oras.
Sigon man sa panghitabo, pipila ka mga netizens ang naantig sa maong kaagi sa bag-ong kasal nga nagpagawas og supporta pinaagi sa pag sponsor og bag-ong seremonyas nga giiingong “take 2” sa ilahang panagsaong pangitabo sa kinabuhi.
