CEBU CITY – Andam nga mutabang ang simbahang Katoliko para sa rehabilitasyon sa Marawi City.
Kini mao ang gibutyag ni Cebu Archibishop Jose Palma human sa nahitabong giyera sa Marawi diin ubay-ubay nga mga kristiyanos ang nanga-angol og namatay.
Matud ni Palma nga nagka-istorya sila sa Bishop sa Marawi nga si Edwin dela Peña sa wala pa nalubong si Cebu Archbishop Emeritus Ricardo Cardinal Vidal diin mibisita pa kini niya sa iyang balay ug didto iyang gitagaan og donasyohn para na usab sa pagrehabilitate sa siyudad.
Giingong lisod kaayo ang pagbangon balik sa Marawi human sa grabeng kadaot nga nahiaguman niini.
Sayod sila nga dugay pa kaayo mabalik sa normal ang kinabuhi sa mga tao didto ug napanglantawan nga muabot pa og 70 years ang rehabilitasyon mao nga kinahanglan gyud kaayo kaaron ang mga donasyon.
Apan bisan paman gikalipay gyud kini ni Bishop dela Peña ingon man usab ni Palma nga sa katapusan natapos na gyud ang giyera sa Marawi City.
