CEBU CITY — Gipa-ubos sa lock down ang Sitio Zapatera sa Brgy. Barrio Luz ning dakbayan gumikan sa napuno nga 2 ka indibidwal nag nagpositibo sa COVID-19 kung diin mukabat na sa 3 ang positibo sa naasoy nga Sitio.
Matud ni Barrio Luz Kapitan Ronilio Sab-a sa dihang nahinabi sa Bombo News Team nga hilabihan ang ilang ka busy karon atol sa naasoy nga lockdown aron nga macontain ang virus.
Nasayran nga ang Sitio Zapatera mao ang labing dako ng sitio sa Barrio Luz kung diin duna kini kapin 10 mil ka indibidwal ug 546 ka mga pamilya.
Tungod niini, napahibaw na usab ang mga lumulopyo kung si kinsa ang nagpositibo ug gipaubos na usab sa quarantine ang pamilya ug mga nahihimamat niini.
Gipasalig usab ni Sab-a nga mahatag nila karon ang panginahanglanon sa mga residente sama sa pagkaon kung diin ang mga barangay officials ug health workers ang mao matud pay mutunol sa mga ayuda sa matag balay.
Gihimug-atan usab sa Kapitan nga nagdis-infect na usab sila sa barangay matag karon og unya.
Peace and order sa sitio
Gi-angkon ni Barrio Luz Kapitan Ronilio Sab-a nga dakong hagit sa ilang baranggay ang peace and order ilabina sa Sitio Zapatera nga maoy gipaubos karon sa lockdown.
Kini gumikan kay gahi matud pa og ulo ang mga residente ug dili gyud kini maminaw sa mandato nga ‘stay at home’.
Pag-asoy sa kapitan nga mismong ang kapulisan nga nagbantay sa maong dapit ang nakaingon kaniya nga ang mga taga Zapatera ang pinakagahi og ulo gani dili pa mahadok og armas.
Dason ni Sab-a nga kini gumikan sa kakuwang sa impormasyon, hinungdan nga gihingusgan niini karon ang information dissimenation pinaagi sa pagsuroy sa barangay ug mag-announce sa angayang masabtan sa residente ug kung ngano nga kinahanglan gyud kining magpuyo sa balay.
Hangyo sa kapitan sa iyang konstituwente nga magpuyo nalang sanglit provided nama kini sa ilang mga panginahanglanon nga pagkaon.
Kung dili gyud matud pa mupatoo ang mga residente, muabot gyud matud pa ang panahon nga musurrende na ang barangay sa pagtabang kanila.
Gipahibalo usab ni SAb-a nga ang unang nagpositibo sa COVID-19 sa naasoy nga sitio nga usa ka jeepney driver ang anaa pa sa tambalanan ug nanghinaot kini nga magnegatibo na kini sa makalilisang nga sakit. (fdp)
