MANDAUE CITY-Nakasinati og pagbaha ang dakbayan sa Mandaue human sa pagbunok sa ulan diin siyam ka barangay ang grabeng naapektuhan lakip ang Ibabao Estancia.
Hinungdan nga lainlain ang gihimo sa mga residente sa pag-alsa sa ilang mga butang tungod sa pagsaka sa tubig baha sa ilang lugar.
Sa interview sa Bombo Radyo Cebu kang Jimmy Blanquero, residente sa Sitio Manga Barangay Ibabaw Estancia, usa sa mga panimalay nga nabahaan, iyang gipaambit ang kalisod sa ilang kahimtang karon tungod kay daghan pa sila og limpiyohan ug ang risgo sa panglawas nga dala niini ilabina sa iyang mga apo.
Gidugang pa niini nga kung bantayan pag-ayo sa City Government of Mandaue ang drainage nga maoy hinungdan sa pagsaka sa tubig tungod sa nabara nga mga basura, seguradong makaginhawa sila og tarong.
Hinungdan nga mao kini ang ilang panawagan sa City Government sa nahisgutang dakbayan nga hatagan kini og dinaliang pagtagad.
Matod niya kung magtinabangay ang matag usa, seguradong masulbad ang nasangpit nga problema.
