Kapin sa 400 ka mga gasolinahan sa tibuok nasud gikatahong nagsara tungod sa padayon nga pagsaka sa presyo sa krudo ug mga produktong petrolyo.
Sumala sa tigpamaba sa PNP ug hepe sa Public Information Office nga si PBGen. Randulf Tuaño, kini nga numero halos doble gikan sa kapin sa 270 ka mga gasolinahan nga gisirad-an sa miaging semana.
Base sa datos, ang National Police nagpadayon sa pagmonitor sa kapin sa 14,300 ka mga gasolinahan sa tibuok nasud aron mapugngan ang hulga sa pagpangwarta ug pagtago sa mga butang.
Sa laing bahin, sa pakigtambayayong sa Department of Energy (DOE), ang mga awtoridad nag-imbestiga na sa hinungdan sa pagsira sa mga gasolinahan aron masiguro nga kini wala’y kalabotan sa pagpahimulos o pagtago sa mga suplay.
Samtang, tulo ka mga kaso ang napasaka na nga may kalabotan sa ilegal nga pagbaligya sa lana, pagtago ug pagpangwarta, nga natala sa Nueva Vizcaya ug Eastern Samar ug sa Albay.
