Giingong gikanselar ni South Korean President Yoon Suk Yeol ang iyang gikatakdang pagbisita sa National Assembly diin nag-atubang siya og impeachment proceedings human napakyas ang iyang pagsuway sa pagpatuman sa martial law human gi-withdraw dayon niadtong Martes sa gabii, Disyembre 3.
Adunay wala pa makumpirmar nga mga taho nga ang presidente sa SoKor moadto sa parliament aron mangayo og pasaylo ug mo-resign.
Apan, gihimakak dayon sa Presidential Office ug niingon nga walay plano si Pres. Yoon nga moadto sa National Assembly.
Gikatakda ang botasyon karong adlawa sa impeachment ni Pres. Yoon.
Kung si Yoon mokanaog sa katungdanan o ma-impeach, masuspinde siya samtang naghuwat sa hukom sa Constitutional Court, nga kinahanglang hukman sulod sa 180 ka adlaw.
Sa kasamtangan, si SoKor Prime Minister Han Duck-soo maoy mobarog isip acting president kung masuspinde si Pres. Yoon.
