Nakigtagbo ang Solid Waste Management Board sa nagkadaiyang ahensya subay pagpagpangusog nga mapatuman ang “No Segregation No Collection Policy.”
Diin nagsugod na ang Kagamhanan sa Dakbayan sa Sugbo sa usa ka halapad nga kampanya sa pagpahibalo bahin sa Waste Segregation Program sugod Enero 1 hangtod 15, 2026, isip kabahin sa paningkamot sa pagpalig-on sa solid waste management sa tanang barangay sa dakbayan.
Gisugyot ni Mayor Nestor Archival ang maong inisyatiba ilalom sa plano, ang dakbayan magpalig-on sa edukasyon sa publiko bahin sa husto nga pag-segregate sa basura, nga hatagan og espesyal nga pokus ang mga pampublikong eskwelahan.
Sa susamang adlaw, gipatawag usab ni Mayor Archival ang tanang kagawad sa barangay gikan sa 80 ka barangay sa syudad aron pormal nga ipahibalo ang pagpapatuman sa Waste Segregation Program ug iyang gipalig-on nga dili kolektahon ang basura kon kini dili sakto nga nasegregar.
Naglaum ang kagamhanan sa syudad nga pinaagi sa padayon nga mga kampanya sa impormasyon, kusgan nga partisipasyon sa barangay, ug hugot nga pagpapatuman, mahimong adlaw-adlaw nga praktis sa mga Cebuano ang hustong pagsegregar sa basura.
