Gipusil patay ang South African boxer nga si Zolani Tete.
Si Tete usa ka kanhi WBO bantamweight ug IBF junior-bantamweight champion.
Gipusil siya sa wala mailhing mga suspek samtang misulod siya sa iyang balay sa lungsod sa Mdantsane sa Cape Town, South Africa.
Nasamdan ang iyang kauban samtang ang wala mailhing suspek dali nga miikyas.
Ang 38 anyos nga boksidor nakig-away na kaniadto kang John Riel Casimero niadtong Nobyembre 2019, diin ang Pilipinong boksidor midaog sa WBO 118 pound title sa usa ka away nga gihimo sa England.
Ang southpaw boxer adunay rekord nga 29 ka daog ug upat ka pildi nga adunay 22 ka knockouts.
Si Casimero lamang ang Pilipinong boksidor nga nakapildi kang Tete.
Pipila sa mga kapildihan sa South African boxer naglakip nila ni Arthur Villanueva, Rexon Flores, Eduard Penerio, Richard Garcia ug Jether Oliva.
