Nakatala og anaa sa gibana-bana nga usa ka tuig nga katumbas nga pag-uwan sulod lang sa pipila ka mga semana, nga maoy hinungdan sa kaylap sa pagdahili sa yuta ug pagbaha, nga maoy nahimong rason nga namatay ang upat ka mga indibidwal ug adunay kapin 5,900 usab ang namakwit sa habagatang Taiwan.
Samtang, adunay 3 ka tao ang nagpabiling missing ug 77 ka mga naangol sukad sa ulahing bahin sa buwan sa Hulyo sa dihang ang kusog nga hangin nikuso-kuso, hinungdan sa pagbaha ug pagdahili sa yuta sa habagatan sa Taiwan.
Matod sa natala sa Central Weather Administration, adunay kapin ka 2.6 metros (102.3 pulgada) nga ulan usab ang nabobo sa bukirang bahin sa naasoyng dapit sulod sa usa ka semana, nga mas taas kini kompara sa kasagran nga tinuig nga pag-ulan nga mga 2.1 metros sa subtropikal nga Taiwan.
Nangu usab sa pagbisita si Cho Jung-tai ang premier sa Tainan ang labihang apektadong dapit nga naigo sa bagyong Danas, ug niingun nga mga personahe ubos sa iyang gabinete nagtrabaho na alang sa pagpalusot sa mga hinabang.
Dugang niini, adunay 2,000 ka mga indibidwal ang mga napugos sa pagbakwit nga kasagaran gagikan sa bukirang bahin sa Kaohsiung ug Pingtung county, samtang anga mga rescuers nagpadyon sa pagpanghinlo sa mga dalan nga nangaguba tungod sa pagdahili sa yuta, aron mas mapadali ang pagpadangat sa medical ug suplay sa pagkaon nga hinabang.
