Giklaro ni Senate President Chiz Escudero nga walay gihimong pagpangandam ang Senado kalabot sa impeachment complaint batok kang Bise Presidente Sara Duterte.
Sa usa ka pamahayag, si Escudero niingon nga dili sila maka-assume og bisan unsang panghitabo hangtod nga dli pa kini mahitabo.
Gidugang usab sa Presidente sa Senado nga ang naunang impormasyon bahin sa giingong pagpangandam sa Senado gikan sa usa ka kawani nga gingong dili awtorisado sa pagbutyag sa maong impormasyon.
Basi sa mga lagda, bisan og ma-adjourn ang sesyon sa Kongreso, mahimo gihapong mopahigayon og impeachment trial ang Senado aron tukion ang reklamo batok sa Bise Presidente.
Diin ang unang lakang sa mga senador mao ang paghimo sa Senado isip impeachment court, diin ang mga senador maoy magsilbing impeachment judges.
