CEBU CITY-Dili susama sa naandan nga tag-as nga speech alang sa State of the City Address, igo lang nga gipakita ni Cebu City Mayor Michael Rama pinaagi sa usa ka State of the City Address ni Cebu City Mayor Mike Rama gipaagi lang sa audio-visual presentation ang iyahang mga nahimo ug himuon pa sa syudad sa Sugbo alang sa damgo nga Singapore-like Cebu City.
Gipakita sa presentasyon ang mga nabuhat sa mayor sa syudad sa pagsulbad sa pipila ka mga problema, ingon man ang pagbuot pa niini nga buhaton pinaagi sa mga programa sa lokal nga kagamhanan alang sa mga Sugbuanon.
Naka-uyon usab niini si Cebu City South District Representative Eduardo ‘Edu’ Rama, Jr., kung diin matud pa, dili susama sa naandan, giingong karun ang mga tawo mismo ang gipa-istorya sa ilahang mga nabatyagan nga kausaban ug ang mga tawo usab mismo ang mipadangat sa ilahang gusto nga mahitabo sa syudad nga ilaha mismong gipaabot sa mayor.
Mitambong sa maong State of the City Address (SOCA) si Cebu Provincial Governor Gwendolyn Garcia, kauban si Provincial Board Member Glenn Anthony Soco, ingon man ang mga konsehal sa dakbayan sa Sugbo.
Daghang mga Sugbuanon ang napakyas sa maong SOCA gumikan kay giingong ilahang gipaabot ang mamahimong ‘speech’ sa mayor sa syudad, apan igo lang kini nga mipadangat ug usa ka audio-visual presentation, diin sa komento sa pipila, daw sama ug nahimong ‘film showing’ ang maong kalihokan.
Karung gabii adunay Thanksgiving Dinner subay sa maong kalihokan sa syudad, diin ipahigayon kini sa usa ka hotel ug daghang mga dinapit ang gilauman nga mutambong.
