CEBU – Nagpahigayun ug programa ang kapitulyo nga Sugbo Kahanas Program diin adunay pipila ka mga sugbuonan ang nakapahimulos ug makadawat sa ilang Certificates sa Technical Skills Development Authority (TESDA).
Ang maong programa naghatag ug Scholarship grant sa 4,329 ka mga sugbuonan,kung diin magtudlo kanila ug mga skills nga mag abli kanila arun maka trabahu ug mas dako nga sweldo.
Nigahin ang kapitolyo ug P100 million nga budget para sa maong proyekto.
Mahinumduman nga sa bulan sa Nobyebre pa gi lusad ang maong programa,apan wala mahimo dayun sa mga kakulian nga nahiaguman sa Sugbo sama sa Covid-19 ug ang bag-o lang nga Super Typhoon Odette.
Mamahimong mukuha ang mga scholars ug mga skills sama sa organic agriculture production, cookery, bread and pastry, housekeeping, bartending, electrical installation and maintenance, carpentry, tile setting, plumbing, and computer system servicing, ug daghan pa nga mahimo nilang magamit sa pagpanarbaho sa umaabut.
Dugang pa niini ang mga kwalipikadong benepisyaryo makadawat ug P160 nga allowance matag adlaw, ug P500 subsidy para sa face masks ug uban pang kinahanglanon, ug P500 alang sa gasto sa online class o pang load.
Ang Kapitolyo ipa registered usab ang mga skalar sa incident insurance policy sa GSIS ug makadawat ug entrepreneurship training aron sa ingun makasugod kini sa kaugalingong negosyo sa umaabot.
