MANDAUE CITY,CEBU- Miugdaw ang usa ka furniture store human ang sunog mitumaw sa Hernan Cortes Street, Barangay Tipolo sa dakbayan sa Mandaue pasado alas 2 sa hapon gahapon Huwebes, Enero 23, 2025.
Kung diin ang maong sunog gipasaka dayon sa unang alarma pagtungtong sa alas 2:03 sa hapon ug tungod sa kakusog niini milanat pa kini sa ikaduhang alarma pag 2:05 ug sa ikatulong alarma pag alas 2:19 sa hapon.
Milapas sa tunga sa oras ang pakigkumbati sa mga sakop sa kabumberohan nga mirespondi nga gilangkoban sa mga nagkadaiyang fire brigades sulod ug gawas sa dakbayan sa Mandaue sa hinggpit nga pagdeklara nga fire under control pag alas 2:44 ug sa pagpalong niini pag alas 3:04 sa hapon.
Nasuta nga nagsugod ang sunog tungod sa short circuit sa usa ka airconditioner sa ikaduhang andana sa maong patigayon hinungdan sa maong sunog.
May nalang og walay natala sa nga naangol maong insidente apan nakatala kini sa danyos sa dili muminos P10-milyones sulod sa 2,000 square meter area sa naasoy nga furniture store.
