Gipahibalo sa Department of Health (DOH) nga ang presensya sa usa ka bag-ong “superflu” variant sa Pilipinas dili makaalarma, bisan pa nga gikumpirma sa mga awtoridad sa panglawas nga ang mga kaso nakit-an pinaagi sa naandan nga pagpaniid o routine surveillance.
Sa usa ka press briefing, si Health Secretary Ted Herbosa miingon nga ang DOH nakaila og 17 ka mga kaso sa usa ka bag-ong influenza subclass atol sa pagrepaso sa datos sa Epidemiology Bureau, nga ang mga nadiskobrehan nagsugod pa niadtong Hulyo ug Agosto sa miaging tuig.
Dugang niya nga gikumpirma lang sa DOH ang mga lokal nga kaso human sa pag-usab sa datos sa pagpaniid human sa pagdagsa sa superflu sa Estados Unidos ug United Kingdom.
Subay niini, gipahimangnoan ni Herbosa ang publiko, nga ang mag-amping sa panglawas, lakip ang pagpabilin sa balay kung masakiton ug pagsul-ob og face mask aron malikayan ang pagkaylap sa impeksyon.
Samtang, gitambagan ni Herbosa ang mga Pilipino nga mobiyahe ngadto sa mga nasud nga mabugnaon ang temperature sama sa US ug UK nga magbantay sa pagtaas sa pagkaylap sa trangkaso panahon sa tingtugnaw.
