Cebu City-Miangkon na si Johny Duarme sa iyahang kalambigitan sa pagpatay sa iyahang amo nga gisulod pa sa refrigerator sa dakbayan sa Talisay.
Matud ni PO1 Eliazar Belcina, imbestigador sa Talisay City PNP, gibutyag niini nga miangkon si Duarme sa iyahang nahibaw-an human nga kagahapong adlawa gihimakak niini ang maong pasangil.
Gisaysay niini nga sa dihang nahitabo ang krimen, anaa gayud kini sa panimalay sa biktima.Matud pa nga gisulod sila sa duha ka mga lalaki nga sa iyang kasayuran, mga dispatcher sa Brgy Tabunok. Gihulga matud pa kini nga patyon sa duruha.
Giguyud pagawas sa duha ka mga lalaki ang biktima paingon sa bakante nga bodega ug didto gi sukmag ug giyatak-yatakan hangtud nga namatay ug gisulod sa refrigerator.
Nakuha matud pa sa duha ka lalaki ang 5000 pesos nga cash ug usa ka vault.Nakita sa kapulisan ang vault apan wala na kini sulod.Human sa krimen, matud ni Duarme nga gihatagan lamang siya ug 500 pesos sa duha ug dayon ikyas sa lugar.
Wala usa gipanganlan ang duha nga gikanta ni Duarme gumiokankay nagpadayon ang pagpangita niini.
Himuon usab nga witness sila si Jay-R ug Jeffrey Banilad apan makasuhan gayud si Jay-R human kini makuhaan ug armas.
