CEBU – Patay ang usa ka pulis nga gitudlu nga suspek sa pag-ambush sa kauban niining pulis nga si Police Master Sergeant Junard Cinco sa dakbayan sa Toledo, Cebu.
Sa gipahigayun nga follow-up operation sa Provincial Drug Enforcement Unit (PDEU) ug Provincial Intelligence Branch (PIB), napatay si Police Corporal Feliciano Yballe, Jr. human nga giingung misukul sa mga operatiba.
Si Yballe usa ka aktibong ulis nga miyembro sa Cebu City Mobile Forces Battalion sa Cebu City Police Office.
Gibutyag ni Police Captain Alejandro Batobalonos, ang PIB head, nga si Yballe ang gitudlu nga suspek sa krimen sa una na nilang gisikup sa gipahigayun nga manhunt operation.
Matud ni Batobalonos nga unang nagpaboto si Yballe ngadtu sa mga operatiba.
Nasayran nga si Yballe ang nadestino kaniadtu sa Talisay City Police Station ug na-relieve sa pwestu gumikan sa isyu sa iligal nga droga.
Ang dakbayan sa Talisay ang nahimung pinuy-ana sa bigtime drug personality nga si Steve Go kinsang napatay niadtung adlaw nga Lunes sa gipahigayun nga operasyon kung diin ang biktima nga si PMSgt Cinco ang nag-serve sa warrant of arrest.
