Nasikop na ang suspitsado sa pagpanigbas-patay sa kaugalingong amahan niini nga 66-anyos diin ang krimen nahitabo niadtong adlawng Biyernes, Hulyo 11, 2025 pasado alas 10:30 sa buntag sa Sitio Alfagate, Brgy. Sudlon 1, Dakbayan sa Sugbo.
Nailhan ang biktima nga si Victor Llamedo Ovenario, 66-anyos ug residente sa naasuyng dapit samtang ang suspitsado nailhang si Jojo Versosa Ovenario.
Nasayran nga wala sa saktong panimout ang maong suspitsado tungod sa gi-ingung paggamitan niini ug illegal nga drugas.
Atol sa pakighinabi sa Bombo Radyo Newsteam kang Police Captain Wilmer Castillo, sa wala pa gipatay sa suspitsado ang kaugalingung amahan niini, aduna na kini summon sa baranggay, tungod sa reklamo nga pagpangawat sa silingan niini.
Hinungdan nga gi-ingung gikasab-an kini sa amahan ug maoy gidudahang motibo sa pagpanigbas-patay niini sa biktima.
Posibling mag-atubang ug kasong maykalapasan sa Article 246 sa Revised Penal Code o kasong Parricide ang maong suspitsado. | Bombo Nathaniel Sandoval
