Gipahigayon sa libingan ng mga bayani (lnmb) sa Taguig City ang dungan nga pagpasiga sa mga kandila sip kabahin sa pagsaulog sa Undas, aron sa pagpasidungog sa mga mitaliwan nga sundalo ug bayani sa nasud.
Ang kalihokan, nga gitawag og “Synchronized Lighting of Candles,” gipangulohan sa mga miyembro sa Girl Scouts of the Philippines ubos sa pagdumala sa Philippine Army, nga mao usab ang nagdumala sa maong lubnganan.
Matag lubnganan gibutangan og usa ka kandila ug gamay nga bandila sa Pilipinas, simbolo sa pagtahud, pagpasalamat, ug pag-ila sa sakripisyo sa mga nag-alagad alang sa nasud.
Sumala sa Philippine Army, gilauman nga moabot sa 60,000 ka bisita ang makasulod sa LNMB atol sa Undas.
Sa samang paagi, gipasiguro usab ang kahapsay ug seguridad sa lugar pinaagi sa koordinasyon tali sa Philippine Army ug Philippine National Police.
Lakip sa mga iladong personalidad nga gilubong sa LNMB mao si kanhi Presidente Ferdinand Marcos Sr., Fidel V. Ramos, Carlos P. Garcia, ug ubang mga opisyal sa militar ug lider sa nasud nga gihalad ang ilang kinabuhi ug serbisyo alang sa Pilipinas.
