CEBU – Napanglantawan ni Dr Clarita Carlos, UP Diliman Political Science Professor, nga maglisod si Labor leader ug presidential candidate Leody De Guzman sa tinguha nga ‘systemic change’.
Matud ni Dr Carlos nga gusto ni De Guzman nga usbon gayud ang kasamtangan nga sistema apan giingong lisod kini nga makuha ug maglisod gayud niini ang naasoy nga presidentiable.
Sa tanan nga mga mitambong sa presidential debate nga gi-host sa SMNI, gitino ni Carlos nga bugtong si kanhi Senador Ferdinand ‘Bongbong’ Marcos, Jr. lang ang giingong adunay halapad nga pagsabot sa mga pangutana.
Hinuon, gitataw niini nga ang tanang mitambong sa maong debate ang pulos nagkauyon sa pag-create ug daghang trabaho, apan nagkalain-lain lang usab sila ug pamaagi.
Nagkanayon kini nga hilabihan ka importante sa usa ka kandidato nga mudagan pagka-presidente nga adunay igong kaalam sa tanang butang gumikan kay kung mahimo kining chief executive, giingong dili sa tanang higayon nga magsunod niini ang iyahang mga adviser.
