CEBU – Gihangop sa kadagkoan sa Talisay City Chamber of Commerce and Industry ang gihimong lakang sa konseho sa naasoyng Dakbayan nga i-prayoredad ang mga Talisaynon nga job seekers.
Matud pasa pangu sa naasoyng kahugpongan nga si Cyril Velasco nga bentaha ang maong lagda para kanila kay dili na sila maglisod sa pagkuha ug mga trabahante kay mga unahon man ang mga Talisaynon ug dili na sila kinahanglan mobayad pa ug ads para sa hiring.
Dugang pani Velasco nga makabentaha usab kini ngadto sa mga empleyado kay dili na mobyahe ug layo o mogasto pa aron lang makapangeta ug trabaho gawas sa Talisay.
Subay niini, gihangyo ni Velasco ang mga sakop sa Talisay Chamber ug ang mga magpapatugayon sa Talisay nga mosanong sa maong awhag sa Kagamhanan sa Talisay isip kabahin na pod sa ilang Corporate Social Responsibility ug pagsukli sa kaayuhan nga nahatag sa mga Talisaynon.
Kung kahinumdoman nga napasar sa Talisay City Council sa milabay nilang sesyon nga awhagon ang mga negusyanye sa Talisay nga mogahin ug porsyento sa ilang mga empleyado nga lumad nga Talisaynon para mapalambo pa ang employment rate sa naasoyng Syudad.
