Gitino ni Talisay City Mayor Samsam Gullas nga “Fake News” ang gipakatap sa usa ka hinganlag Jewel Louie Aviso sa social media nga nag-ingong dunay Talisaynon nga nag positibo sa 2019 Novel Corona Virus Acute Respiratory Disease (2019 NcoV-ARD).
Matud sa Mayor sa iyang public advisory post sa iyang social media account nga si Aviso ang kanhi miyembro sa Disaster Team sa dakbayan apan nag AWOL na kini sukad pa sa nakalabay nga 2 ka semana.
Gikalipay ni Gullas nga aware ang mga tao sa issue kalabot sa pagpangandam batok sa nCov apan dili matud pa niya itugot nga dunay magpakatap og fake news nga makamugan og karatol sa katawhan.
Sa kasamtangan nakig alayon na ang Mayor ngadto sa Talisay City Police Station ug sa iyang legal team alang sa tukmang kaso nga ipasaka batok ni Aviso.
Nangayo og pasaylo si Aviso pinaagi sa iyang public apology sa social media.
Gihimug-atan niini nga igo lang kining mitabang ug walay intensyon nga mohimo og panic ngadto sa katawhan.
