Gipahibalo ni Commission on Elections (COMELEC) Chairman George Erwin Garcia nga target sa poll body nga ipadayon ang pag-imprenta sa mga balota karong Sabado, Enero 25 ug dungan sa ipahigayon nga mock elections.
Ingon man nga gisugdan usab gahapong adlawa ang pagpadayon sa pag-update sa database sa komisyon, pag-serialize sa mga balota, ug pag-adjust sa bag-ong ballot face template.
Kini maoy angay nilang tapuson sa dili pa moabot ang Sabado alang sa pag-reprint sa mga balota.
Pag-abot sa mock elections, gipili sa komisyon ang pipila ka mga lugar sa nasud ingon man sa gawas sa nasud nga mosalmot.
Diin ang gamiton kay test ballots lang, kini nagpasabot nga dili tinuod nga pangalan sa mga kandidato ang mga pangalan nga nalista sa balota, busa walay problema kon mahimo kining dungan sa pag-reprint sa mga balota.
