Giingong nakauban sa panaghistoryahay ang tech tycoon ug giisip nga labing adunahan nga tawo sa kalibutan karon, nga si Elon Musk nila ni US President-elect Donald Trump ug Ukraine President Volodymyr Zelensky sa usa ka tawag sa telepono usa ka adlaw pagkahuman sa 2024 US Presidential elections.
Usa ka opisyal sa Ukraine nga adunay direktang kahibalo sa panag-istoryahanay tali sa duha ka mga lider mikumpirmar nga si Zelensky mitawag kang Trump aron sa paghatag og pagtimbaya sa iyang kadaugan sa US elections ug nasayran nga nakauban ni Trump si Elon Muck sa Mar-a-Lago.
Samtang gihulagway usab sa laing spurce ang nahimong panag-istoryahayanay sa duha ka opisyal nga usa ka positibo ug cordial conversation.
Gipasalamatan ni Zelensky si Elon Musk sa pagtabang sa iyang nasud nga makaangkon og komunikasyon pinaagi sa pag-access sa Starlink satellite internet platform taliwala sa kapin 2 ka tuig nga gubat niini sa Russia.
Ang panag-istoryahanay milungtad og 7 minuto apan walay mga palisiya nga gihisgutan.
