Nakadawat na usab og pahalipay ang Filipina tennis sensation nga si Alex Eala bisan og wala pa siya’y bag-ong mga duwa nga nakalinya.
Kini gumikan ang Pinay tennis star padayong misaka sa ranggo sa Women’s Tennis Association (WTA).
Basi sa pinakaulahing datos nga gipagawas sa WTA sa ilang opisyal nga site, diin si Eala misaka sa ranggo No. 72, ang pinakataas nga ranggo sa kasaysayan sa iyang propesyonal nga karera.
Gihisgutan ang 19-anyos tungod sa iyang impresibong semifinal run sa Miami Open.
Diin iyang gipildi ang tulo ka mga kampeon sa Grand Slam, lakip sila si Madison Keys ug Iga Swiatek.
Nagbansay si Eala sa Rafa Nadal Academy sa Spain ug nakadaog og lima ka titulo sa singles sa ITF ug duha ka korona sa doubles.
Hinungdan nga ang iyang pagsaka sa ranggo kay usa ka testamento sa iyang dedikasyon ug kahanas, nga nakakuha kaniya sa titulo nga labing taas nga ranggo nga Filipina player sa kasaysayan sa WTA.
