PROVINCE OF BOHOL- Personal nga gisusi ni Bohol Provincial Governor Erico Aris Aumentado ug sa mga opisyal sa Tourism Infrastructure and Enterprise Zone Authority (TIEZA) ug kagamhanang lalawigan ang kahimtang sa Alburquerque Cluster Sanitary Landfill (ACSLF) sa Alburquerque, Bohol niadtong Sabado, Marso 14, 2026.
Kini nga inspeksyon kay kabahin sa pagsiguro sa kahimtang sa maong sanitary landfill sa operasyon niini sa mga basurang nakolekta sa mga komunidad nga nagpalibot.
Gani ang TIEZA kay nagdapit sa ilang suporta sa maong imprastruktura diin sila nagtanyag og P50-milyones para pagpondo sa rehabilitation project niini.
Lakip sa sugyot nga rehabilitation project kay ang pag-ayo sa leachate wastewater treatment facility ug sa pagtukod sa 100-meter concrete access road nga adunay solar lights nga makatabang sa operasyon niini.
Gihisgutan sab ni Gov. Aumentado nga ila nang hinay-hinay pangandaman ang laing landfill facility sa ilang probinsya tungod kay anaa na sa kapin Katunga sa kapasidad ang kasamtangang sanitary landfill sa Alburquerque aron padayon ang operasyon sa waste management sa ilang lalawigan.
