Grabi ug kusog nga bunok sa uwan ang gisagobang sa mga deboto atol sa Traslacion paingun na sa Nuestra Señora de Regla nga anaa nahimutang sa Dakbayan sa Lapu-Lapu.
Sa pakigsalmot sa Bombo Radyo Cebu newsteam sa maong prosesyon, natuldokan kining hapsay ug malinawon taliwala sa bati nga panahon nga nasinati karong adlawa, Enero 16, 2026.
Gani, pipila sa mga deboto nga nisalmot nagdala nalang sa ilahang mga payong ingun man nagsuot nalang og kapote, aron na dili mabalda ang ilahang pagsalmot sa prosesyon, hinungdan nga wala ray natalang kadaot usab ang mga kapulisan o mga kakulian atol sa maong kalihokan.
Sa pakighinabi usab sa Bombo Radyo Cebu newsteam sa usa ka mananagat nga si Berto Magtanggol iyang gipaambit nga mapasalamaton siya sa Balaang Bata sa paghatag niini niya og taas taas nga kinabuhi.
