Travel records sa kontrobersyal nga Mayor sa Bamban, Tarlac, andam isumiter sa BI aron makatabang sa imbestigasyon

Andam ang Bureau of Immigration nga mosumiter sa travel records ni Bamban, Tarlac Mayor Alice Guo aron makatabang sa imbestigasyon.

Usa ka init nga hisgutanan karon si Guo human ang iyang pangalan nalambigit sa operasyon sa usa ka POGO hub nga maoy hinungdan nga nadiskubrehan usab ang iyang pagkatawo.

Hinungdan nga gihimo ni BI spokesperson Dana Sandoval ang maong pamahayag human gipangutana bahin sa travel records sa mayor diin kwestyonable ang iyang citizenship.

Sa dihang gihangyo sila sa pagsumiter sa dokumento, andam kini nilang ihatag sa mga awtoridad.

Una niini, gikompirmar usab sa COMELEC nga posibleng pasakaan og disqualification case ug mag-atubang og kasong perjury ang mayor sa Bamban, Tarlac .

Kini human namakak si Mayor Guo sa tinuod niyang citizenship.

Basi sa datus sa Comelec, ang mayor nahimong rehistradong botante sa Bamban, Tarlac kaniadtong 2021.

Gipasabot pa ni Garcia, kompletong rekisitos ang gisumiter sa mayor mao nga gidawat kini sa COMELEC Bamban, Tarlac.