CEBU – Mipahimangno si Dr. Rene Josef Bullecer, usa ka medical doctor, sa publiko ilabi na niadtong adunay mga gipamati na sa lawas nga dili magkumpyansa sa hilabihan ka-init nga panahon gumikan kay makamugna kini ug heat stroke o ataki sa kasingkasing.
Gipasabot ni Dr. Bullecer nga kung musaka ang temperatura, mukanaug usab ang blood pressure ug tungod niini mu-doble ang pitik sa kasingkasing, hayan mag-cool down o mubugnaw ang lawas.
Matud pa, kung ugaling mubugnaw ang lawas, mahimo nang kandidato sa heat stroke ang usa ka tawo.
Tima-ilhan sa heat stroke mao ang bugnaw nga singot, labad ang ulo, kasukaon, ug dayun makuyapan.
Dugang pa sa naasoy nga doctor, ang mga tawo nga aduna na’y gi-maintain nga tambal, ang gikinahanglan gayud nga magpabugnaw ug likayan ang pag-pondo sa direkta nga init sa adlaw.
Subay niini, gibutyag ni Bullecer nga karung init ang panahon, kinahanglan ang pag-inom ug 8 ngadto sa 10 ka baso nga plain nga tubig, dili bugnaw, ingon man ang pagkaon ug mga tubigon nga prutas, sama na lang sa mansanas, ponkan, pakwan ug grapes.
