Tunghaan sa Alaska mudawat og peanut butter, jelly isip bayad sa parking tickets

ANCHORAGE, Alaska — Usa ka lamian nga treat ang tanyag sa usa ka unibersidad sa may Alaska gumikan kay inay nga kwarta ang ibayad sa parking tickets, mga palaman nga peanut butter ug jelly ang ihatag.

Kini ang nahimo usab sa mga police officials aron nga maibanan ang problema sa kagutom sa mga estudyante.

Sigon pa sa mga opisyales nga ang mga madawat nila nga peanut butter ug jelly ang maadto sa mga estudyante nga mas nanginahanglan.

Ang mga ma-issuehan og 2 ka citation ticket ang maoy muhatag og Peanut butter ug Jelly spread sulod sa 45 ka diyas.

Ang duha ka 454 grams sa botelya niini ang dunay $10 credit,samtang ang tulo dunay $35 credit ug ang 5 ka botelya ang dunay $60 credit. (Associated Press)