Ukraine army chief, hingpit nang gitangtang sa pwesto ni Zelensky

Gitangtang ni Ukrainian President Volodymyr Zelensky ang iyang army commandeer-in-chief nga si Oleksandr Syrskyi.

Ang pagtangtang nahitabo pipila ka adlaw human niya gihulga nga tangtangon ang iyang Defense Minister nga si Mykhailo Fedorov.

Una na nga adunay mga hungihong nga sila si Syrskyi ug Fedorov nagkabangi sulod sa mga bulan.

Ang 35-anyos nga si Fedorov gidayeg tungod sa pagpalig-on sa ministry ug pagreporma sa armadong kusog, ingon man sa pagpakigbatok sa korapsyon.

Samtang, ang 60-anyos nga si Syrskyi hugot nga nagpatuman sa mga reporma sa militar.

Siya pulihan sa 43-anyos nga si Mykhailo Drapatyi, usa ka General nga nailhan sa iyang kahanas sa pakiggubat.