CEBU CITY-Mihangyo si Cebu City Police Office (CCPO) Dir. Police Colonel Royina Garma mga undangon na ang paghimo og issue sa nga pulis nga daw samang na politicized na.
Matud ni Garma nga neutral sila ug wala silay gidapigan nga partikular nga politiko. Gihimug-atan usab niini nga duna silay mga lista sa mga politiko nga midangop kanila nga miingong naay hulga sa kinabuhi.
Hayan, ang gibuhat nila karon mao ang pagbutang og mga police personnel sa area nga gipuy-an sa mga kandidato nga mi-claim nga naay hulga.
Wala matud pa nila gi single out ang mayor sa ilang check points.Dason ni Garma nga kargo pa sa mga pulis kung dunay mahitabo nga daotan niini nila ug dili boot ni Garma nga malutsan sa mga daotang elemento ang siyudad hangtud mahuman ang election.
Mas angayan matud pa malipay ang mga pulitiko nga makakita og pulis sa ilang area.
Samtang gi-awhag ni Garma ang publiko nga mucooperate sa ilang padayon nga checkpoint subay sa nagkadool na nga pinili-ay.
Matud ni Garma nga padayon ang ilang checkpoint ug mamahimong intense kini. Hinungan nga hangyo sa director nga dili na maglangay-langay pa ang matungnan.
Mas maayo nga muhunong na dayon aron dili malangan sa lakaw ug ingon man dili malangan ang nagsunod. Tambag pa ni Garma nga dili na magdala og mga deadly weapon, mga armas ug uban pa nga maoy makalangay kanila.
Gitataw usab ni Garma nga legal ang ilang check point nga gipahigayon–duna silay mga guidenlines, signages ug ubos kini sa supervision sa Comelec.
