CEBU CITY-Dako nga dungog ug maayong balita para sa University of San Jose Recoletos (USJ-R) sa Cebu City ang pagkadaog sa usa sa ilang Tourism Associate Graduate nga si Miss Universe Philippines 2019 Gazini Christiana Ganados kinsang lumad nga taga Talisay City, Cebu.
Matud ni Edmund Navarro, sports analyst ug nahimong instructor ni Ganados nga una palang niini nga naila-ila si Gazini duna na siyay nakita nga espesyal sa dalaga nga daw sama naa gyud kini maabot.
Dili usab matud pa ikalimod nga grabe ang kaanyag ni Gazini. Gani sa pagtoon niini sa USJ-R nahimo niya kining higala.
Iyang gihulagway nga usa ka maayong tao si Ganados, positibo sa kinabuhi, relihiyosa ug ‘willing to learn’ usab kini.
Nasayran nga gawas kang Ganados, si Miss Earth 2014 Jamie Herrell nahimo usab nga estudyante sa USJ-R ug nahimong higala ni Navarro.
Matud niini nga ang duha ka beauty queens nga nahimong tipik sa ilang institusyon ang nagsilbi nila nga inspirasyon ug angayang himoong inspirasyon sa tanan.
Nagpamatuod lamang kini matud pa ang tanan posible kung maningkamot para abton ang bisan unsa mang pangandoy.
