Unom ka bag-ong natawong bata namatay human sa sunog sa ospital sa India

Namatay ang unom ka bag-ong natawo nga mga bata sa Delhi, India human nasunog ang usa ka ospital.

Sa kinatibuk-an nga 12 ka mga bag-ong nahimugso ang naa sa sulod sa ospital nga nahimutang sa Vivek Vihar Region diin ang uban naluwas.

Nag-atubang na karon og kaso ang tag-iya sa tambalanan nga niikyas human sa insidente.

Daling mikatap ang nasangpit nga kalayo tungod sa oxygen nga gigamit sa tambalanan.

Gikaguol ni Prime Minister Narendra Modi ang insidente ug gipaabot ang iyang pahasubo sa mga kaliwat sa biktima.

Gisusi pa sa mga otoridad ang hinungdan sa nasangpit nga insidente.