CEBU – Nadakpan ang upat ka mga indibidwal, lakip ang tag-iya ug manager sa usa ka massage ug spa chain sa Metro Cebu,kinsa nag-atubang karon og kasong human trafficking.
Dugang pa,nga kini human ang National Bureau of Investigation in Central Visayas (NBI-7) bag-o lang nipahigayon og dungan nga anti-human trafficking operations uban sa regional Inter-Agency Council Against Trafficking (IACAT-7) sa Cebu City ug Talisay City.
Gipahibalo sa NBI-7 nga mokabat sa 11 ka mga masahista ug therapist ang ilang na-rescue, ug upat ka mga suspek ang ilang nasikop human sa mga operasyon atol sa press conference karung adlawa Martes, Abril 5,2022.
Gironda sa mga Law enforcers niadtong Marso 31 ang mga sanga sa McShield Spa Massage sa Barangay Tabunok, Talisay ug sa Barangay Labangon, dakbayan sa Sugbo human sila makadawat og taho nga giingong gipugos sa maong establisemento ang ilang mga empleyado sa paghimo og extra-service.
Giila ang mga suspek nga sila si Mark Rhayan Bilocura, 24, tag-iya ug tag-iya sa McShield Spa; John Lord Bilocura, 19, manager, ug mga receptionist nga sila si Jessica Jane Alonzo ug Marisol Topacio.
